HEAD „Зајакнување на капацитетите на директорите на училиштата за градење инклузивна училишна култура“

Фондацијата за образовни и културни иницијативи „Чекор по чекор“ започна со реализирање на проектот HEAD- „Зајакнување на капацитетите на директорите на училиштата за градење инклузивна училишна култура“, за развој на заеднички вредности и социјална инклузија во образованието. Носител на проектот е Мрежата на центри за образовни политики NEPC од Загреб во конзорциум со 7 меѓународни организации, а со финансиски средства на ЕУ преку програмата ЕРАЗМУС. Фондацијата „Чекор по чекор“ е одговорна за проектните активности кои ќе се спроведуваат во основните училишта во нашава земја.

Проектот HEAD: „Зајакнување на капацитетите на директорите на училиштата за градење инклузивна училишна култура“ започна со реализација на 1 декември 2019 година и има за цел да се осврне на професионализацијата на директорите на основните и средните училишта во Хрватска и Северна Македонија, користејќи ги позитивните практики во оваа област од Словенија и Холандија.

Главна цел на проектот:

Обезбедување поддршка на училиштата во развој на инклузивна училишна култура.

Специфични цели на проектот:

Развој на програма за професионален развој на директори преку модуларизиран пристап. Главни обележја на програмата за обука се:

• насоченост кон личен и професионален развој
• насоченост кон демократско управување - вклучување на сите засегнати страни во управувањето
• насоченост кон сеопфатен училиштен развој - училишни политики, мисија и визија, професионален развој на наставници и стручни служби
• Разгледување опции засновани на докази за развој на политики за сеопфатен национален пристап кон подобрување на инклузивноста на училишната
• Градење коалиција за поддршка на процесот на градење инклузивна училишна култура.

Во рамките на проектот планирани се следниве активности:

• Иницијално истражување наменето за утврдување на тековната состојба; во истражувањето ќе учествуваат директорите, наставниците и стручните служби и претставници на учениците.
• Програма за обука која се состои од 5 дводневни модули на теми: управување со училиштата, анализа на училишната култура, соработка со социјални партнери, инклузивно и квалитетно образование, спроведување активности во училиштето наменети за подобрување на училишните политики и практики.
• Учество во финално истражување наменето за утврдување и вреднување на ефективноста на интервенцијата (во истражувањето исто така ќе учествуваат и родители и претставници од локалната заедница).
• Учество во активности за промоција на програмата (тркалезна маса, конференција).

Организации вклучени во реализирање на проектот:

Хрватска

• Форум за слобода во образованието
• Отворена Академија Чекор по чекор

Северна Македонија

Словенија

• Институт за едукативни истражувања
• Национална школа за лидерство во образованието

Холандија

• НСО - Академија за лидерство во ЦНА

Други партнери

• Европско здружение за раководители на училишта
• Здружение на хрватски директори за средно училиште
• Здружение на хрватски директори за основни училишта