Nata lëshohet ngadalë mbi qytet...
Dritat rrugës ku jeton Beni ndizen një nga
një si miliona yje. Në shtëpinë e tij njerëzit
bëhen gati të flenë, duke përcjellë edhe
një ditë. Beni pa vullnet hyn në dhomën e
tij dhe për herë të fundit para se të bjerë
shikon nga dritarja.
- Sa i bukur është qielli natën! Të gjitha
këto yje, të mëdha e të vogla, duken si
qelqe të panumërta të imta që bëjnë
dritë. Eh, sikur të kisha mundur t’i shoh
për së afërmi! – psherëtiu Beni dhe i
mbylli sytë duke dashur sinqerisht të
arrijë te secili yll.
- Çfarë po ndodh? – pëshpëriti i shqetësuar çuni.
- Mos ki frikë! – buzëqeshi kolltuku në të cilin ishte
rehatuar mirë. Unë e plotësoj dëshirën tënde dhe
të çoj në një udhëtim magjik nëpër gjithësi!
- Ej, kjo është super punë! Ne fluturojmë!
Shikoje shtëpinë time që duket si kuti
shkrepëse! – bërtiti i entuziazmuar Beni,
kurse prapa tij shtëpia bëhej më e vogël
derisa më në fund u tret krejtësisht.
- Domethënë, e nisëm udhëtimin tonë në gjithësi!
– tha kolltuku me një zë serioz. Planeti ku jeton
dhe të cilin e lamë pas nesh quhet....
- Si, si quhet? – pyeti me padurim Beni.
- Tokë – u përgjigj kolltuku. Mbaje në mend, ose,
më mirë shkruaje në fletoren tënde.
TOKA:
PLANETI KU JETOJMË
QUHET TOKË DHE
ËSHTË E VETMJA
NË SISTEMIN TONË
DIELLOR NË TË CILËN
E DIMË SE KA JETË
- Kjo është hëna! – vazhdoi kolltuku. Ajo e
shndrit fytyrën tënde dhe të ruan derisa fle.
- Po a fle dhe pushon hëna ditën? - pyeti me
kureshtje Beni.
- Jo, buzëqeshi kolltuku. Hëna bën dritë
edhe ditën, mirëpo drita e diellit është më e
madhe, e duket sikur ajo fle. Dhe shkruaj....
HËNA:
HËNA RROTULLOHET
RRETH TOKËS DHE
BASHKË ME TË RRETH
DIELLIT.
- Kurse tash hapi sytë mirë! ia tërhoqi
vërejtjen kolltuku. Tash do të tregoj diçka
që nuk ke mundur ta marrësh me mend as
në ëndërr.
- Çfarë është ajo? pyeti plot kureshtje Beni.

- KY ËSHTË SISTEMI YNË DIELLOR
- FILLOI TË SHPJEGOJË KOLLTUKU.
NË QENDËR ËSHTË DIELLI, KURSE
RRETH TIJ RROTULLOHEN NËNTË
PLANETË.
Të fillojmë me radhë. I pari dhe më afër
diellit është planeti Merkur. I ngjan Hënës
dhe është laracuar me shumë kratere.
Planeti tjetër është Venera, rëndesa e së
cilës është më e madhe se ajo e Merkurit.
Ja përsëri planeti ynë – vazhdoi të
shpjegojë kolltuku.
- Po cili planet është ky? pyeti me gëzim Beni
- E, ky është Marsi – u përgjigj kolltuku.
- Po pse qenka kaq i kuq? Mos është
dashuruar? Qeshi Beni.
- Jo. Është i kuq për shkak të hekurit që e ka
në truallin e vet. Pra shkruaj....
MARSI:
PLANETI MARS ËSHTË
I KUQ PËR SHKAK TË
HEKURIT TË CILIN E
PËRMBAN DHE PËR
SHKAK TË PLUHURIT
TË KUQ NË AJËR.

- Ohooo, sa i madh qenka ky planet! Si quhet?
- Ky është Jupiteri – tha kolltuku. Planeti më i
madh në sistemin diellor. Njëmijë herë është
më i madh se Toka. Për shkak të përbërjes që
ka është i njohur si “gjiganti prej gazi”.
JUPITERI:
PLANETI MË
I MADH NË
SISTEMIN TONË
DIELLOR. ËSHTË
I PËRBËRË PREJ
GAZRAVE
- Planeti tjetër me radhë është më
i njohur për shkak të unazave të tij
dhe quhet Saturn. Ky është planeti i
gjashtë dhe është njëri ndër planetët
më të bukur. Shkruaj diçka për të.
SATURNI:
PËRBËHET NGA MATERIET
MË TË LEHTA SE UJI,
NDËRSA UNAZAT I KA PREJ
PLUHURIT, AKULLIT DHE
GURËVE.
- Tre planetët e fundit janë Urani, Neptuni dhe
Plutoni.
- Pse janë të kaltër, mos janë përlarë, apo mos
janë të pikëlluar? – pyeti Beni.
- Ha-ha – qeshi kolltuku. Të tillë janë për shkak
të përbërjes së tyre. Ata janë të pasur me sasi
të mëdha metalesh. Kurse ai në fund, ai është
Plutoni, planeti më i vogël.
URANI, NEPTUNI,
PLUTONI JANË TRI
PLANETET E FUNDIT NË
SISTEMIN DIELLOR.
- Është koha të shkojmë në shtëpi – tha
kolltuku. Kjo është e tëra ajo që do të
kishe mundur të mësosh për Sistemin
diellor për fillim. Mbaju mirë! Kthimi
ynë do të jetë emocionues, nëpër
fushën e asteroideve.
- Nuk do të kisha dashur të ndeshemi
me ndonjë nga ata – tha Beni.
Por pikërisht në atë çast....
... diçka u përplas fuqishëm dhe Beni i vogël u gjet
në dyshemenë e dhomës së tij, duke mos ditur se
çfarë po ndodh.
- Sigurisht më paska marrë gjumi – pëshpëriti
përgjumshëm.
- Ndoshta e gjithë kjo mund të mos ketë qenë
vetëm një ëndërr. Do të kisha dashur ta di a
udhëtuam me të vërtetë së bashku nëpër gjithësi. –
tha duke e shikuar kolltukun e përmbysur.
- Po në qoftë se megjithatë ishte ëndërr, do
të kisha dashur ta shoh sërish këtë ëndërr,
ndërsa nëse me të vërtetë udhëtova.....
I emocionuar nga ajo që i ndodhi nuk
mundte të flejë gjatë kohë natën dhe
duke shikuar nga dritarja mendonte dhe
shpresonte se ky udhëtim nuk do të jetë
i fundit. Po ai dëshironte të mësojë edhe
shumë gjëra për gjithësinë, të vizitojë aq
planetë, të shkruajë edhe shumë gjera në
fletoren e tij. Ku ta dish, ndoshta dëshira
do t’i plotësohet....